ඔවුනගේ ගුවන් යානය කඩා වැටුණේ අහස උසට නැඟි කඳුවලින් වටව ගිය දැවැන්ත ඇන්ඩීස් කඳුයාය මැදදීය. බීරුම් දෙන සුළඟ හිම කැරළිද සමඟ හමා යන්නේ ගත සීතලෙන් හිරි වට්ටමිනි. ඔවුනට සෙවණකට ඇත්තේ තැලී පොඩි වී ගිය යානයේ බඳ කොටස පමණකි. වයින් බෝතල තුනක් හා චොකලට් පෙති කීපයක් හැරුණවිට ආහාරයකට වෙන යමක් නොමැත. මුලින්ම දිවි ගලවා ගත්තවුන් තිස් දෙනෙක් සිටියහ ඊළඟට විසිහත, දහ නවය හා අන්තිමේදී දහසය දෙනෙකි. මේ දිග හැරෙන්නේ දින හැත්තෑවක් පුරා හිම කතරේ අතරමංව ගෙවූ ඔවුනගේ අනුවේදනීය කතාවයි. මනුෂ්‍යයා සතු ඉවසීම ධෛර්යය හා අධිෂ්ඨානයේ කතාවයි.