ආරක්ෂක භට හමුදාවේ කපිතන් ගොවොරූහා - ඔත්රොක් ඉලක්කයට වෙඩි තබන්නියක වන මර්යුට්කාගේ හතළිස් එක්වැනි ගොදුර බවට පත්විය යුතුව තිබිණි. එහෙත්, ඇගේ කුළුදුල් ආලය දිනාගත් ප්‍රථමයා බවට ඔහු පත්විය. හවස වසන්තයේ හිරු අවරදිගින් බැස ගිය පසු, තම කුටියේ මුල්ලට වැදී ගුලි ගැසෙන ඈ සුකොමල ලෙස කපිතන්ගේ උරහිසට හේත්තු වෙයි. ඔහුගේ කතාවලට සවන් දෙයි. ගිනි ජාලාවකට සහ කුණාටුවකට හසුවැ ග්‍රහලෝක විනාශවන දෙකන් බිහිරි කරවන, උත්සවකාරී වෙඩි හඬක් ඔහුගේ පසුපසින් ඔහුට ඇසිණි. එයට හේතුව කුමක්දැයි නොදැනම ඔහු අහකට පැන්නද‍, ලෝකය විනාශ විමේ එම ශබ්දය ඔහුගේ කන වැකුණු අවසාන ලෞකික ශබ්දය විය.