"මේ අහපං කෙල්ලේ.. පිරිමියෙක් නැතිව ජීවිතෙත් එක්ක ඔට්ටු වෙන්ඩ යන ගෑනි අන්තිමට මට්ටුවෙලයි නවතින්නේ. ඒක හරියට ගහකට එතෙන්නේ නැතිව වැලකට හැදෙන්ඩ බෑ වගේ.... හොඳ හයිය හත්තිය තියෙන ගහකට එතුනාමයි වැලක වුණත් මල් හැදිලා ගෙඩි එන්නේ... එහෙම නැත්තං ඔහේ බිම ගිහින් වල් වැදිලා නිකංම මැරිලා යනවා...." "ඉතිං ඔය වට්ටක්කා කැකිරි වැල් බිම දිගේ නැතිව ගස් දිගේ ගිහිල්ලැයි ගෙඩි හැදෙන්නේ..." "ඉස්සෙල්ලා කියාපිය තෝ වට්ටක්කා වැලක් ද කැකිරි වැලක් ද කියලා? වට්ටක්කා කැකිරි වැල්වලට දහපදුරාවේ ගිහින් ගෙඩි හදන්ඩ පුළුවන් වුණාට ගෑනු අපිට එහෙම බෑ....."