කසුන් ගිර තරණය

50 දශකයේ උපන් ශ්‍රී ලාංකිකයෙකු අද වනතුරු ජීවත් වන්නේ නම් ඔහු විසින් අත්විඳින ලද සුඛ දුක්ඛ වේදිත සම්භාරයේ තරම සහ ඒ්වායේ බැරෑරුම්කම තේරුම් ගැනීමට අවශ්‍ය අද කාලයේ අයෙකු වේ නම් දිලීප් රෝහණ ලියූ මේ ''කසුන් ගිර තරණය'' කියවිය යුතු යැයි යෝජනා කරමි.අද කාලයේ අයෙකුට එය අපූර්ව අත්දැකීම් සම්භාරයක් ලබා දෙන අතර අප වැනි තත්කාලීනයන්ගේ මනස් යළිත් ඒ කාලයේ දිලිප් සිටි පරිසරවල ද සහ ඔහු ඇසුරු කළ විවිධ චරිත අතර සංසරණය කරවා අපේ අත්දැකීම් තවත් පෘථුල කරවයි.අඩ සියවසක් තුළ මේ රටේ සිදු වු අනේක විධ දේශපාලන සමාජ හා ආර්ථික පෙරලි ගණනාවක් මැද ජීවන අරගලයේ යෙදුණු දිලිප් ඒ අත්දැකීම් අනුසාරයෙන් ජීවිත ගමනේ දී තමන් විසින් නිරූපනය කළ ගුරු චරිතය එළෙසින් ම තබා ගනිමින් තව තවත් පෝෂණය කර යළි තවත් ස්වරූපයකින් ප්‍රතිනිර්මාණය කර ඇති සැටි මේ පොත කියවීමෙන් දුටුවෙමි.

පරාක්‍රම නිරිඇල්ල