සිව්වෙනි මානයෙන් ඈත අතීතයට

භෞතික ලෝකයේ ත්‍රිමානතාවයට පරිබාහිරව තවත් මානයක් තිබේද? කාලයද මානයක් ලෙස සලකන නමුත් එය භෞතික නොවීම නිසාම නිෂ්ප්‍රභාවිය යුතුද? මේ ගැන පර්යේෂණ පවත්වන වියතෙකි.

මහාචාර්ය රත්නදිවාකර

ඔහුගේ සහායකයින් දෙපළ වන්නේ කාන්ති සහ සුජිත්ය.

මොවුන් සිදුකළ පර්යේෂණයක ප්‍රතිඵලයක් ලෙස තවත් මානයක් සොයාගත හැකිවේ. එම මානයට හසුවීම නිසා කාලය ආපස්සට ගමන් කිරීම හේතුවෙන් මේ තිදෙනා ඉතා ඈත අතීතයකට ගමන් කරනු ලබයි. ඒ මිහිතලය මත ඩයිනෝසෝර සත්වයින් ඇවිද යමින් තිබූ යුගයයි. ඩයිනෝසෝර සතුන්, ජුරාසික යුගයේ පැවති ගහකොළ ආදිය පිළිබඳ චිත්තාකර්ෂණීය තොරතුරුද සමඟින් දිගහැරෙන විද්‍යා ප්‍රබන්ධකරණය.

චුම්බක ගතිය තරංග, අධි අවකාශ, ප්‍රතිගුරුත්වය, කළු කුහර ආදී විද්‍යා සංකල්පයන් තවදුරටත් සංකල්පයන්ම නොවන බව ශ්‍රී ලාංකේය පාඨකයාට නවමු අත්දැකීමක් වනවා නොඅනුමානය.