මගේ ‌ප්‍රේමය ඉසියුම්

කඳුළු මල් බර වැඩිවු සංසාර ගමන් මග

වන්දනාවක් විලස නුඹ පැමිණි අපූරුව

ජීවිතේ දුකම මිස සතුට නොදැනුනු හිතට

හිනාවේ උල්පතක් වී කියාදුන් මහිම..... 

හෙටක් නොම දුටු හදක අනාගතයක් විලස

ජීවිතේ මං පෙතඟ හෙලිකළේ නුඹය මට

වැටි වැටී නැගෙන සඳ මගේ නුහුරු දෙපා යුග

අත්වැලක් වී නිබඳ නුඹයි ආවේ ළඟින ... 

ඉතින් පිබිදෙමි යලිදු නැවුම් හිතකින් මෙලෙස

ජීවිතේ දුක් සුසුම් දරාගත හැක නිබඳ

සංසාර දනව්වේ මගේ අත්වැල වෙමින

නුඹේ සෙනෙහස පතමි නොනිම් පැතුමක් විලස...

       අනුත්තරා...