ප්‍රංශ හාදු

සිතින් සියවර හැඟෙන මියැදෙන 

සිතුම් හදකට බර වැඩී

පෙනෙන නොපෙනෙන සහස් හැඟුමන්

කියයි සෙනෙහස කිති කැවී

ආදරය තුළ මත් වෙමී

මී ලවන් සුව සනහමී

පරක් නොතෙරක් නොමැති අහසක් 

වගෙම කැළඹෙන සිතුවිලී

නිමක්, ඉවරක්, නොමැති පෙම්වත්

ඉඟි බැලුම් උහුලන හැටී

මේ සුසුම් සුව විඳවමී

ආදරේ තුළ කිමිදෙමී

අගත් පැටළුණු මුලක් නොපෙනෙන

කතාවක් පෙම්වත් සරී

දෙනෙත් නොපියා සුසුම් ඉවසා

දරාගන්නට පොර බදී

ඇස් පියන් මත වැතිරෙමී

පෙම් හැඟුම් හැම කොඳුරමී

- අග්‍ර -