කැතී සහ මායා බෝනික්කා

"කැතී.. අර බලන්න... අර... මාළුවෙක් නේද?

මාළු කොහොමද අනේ ගස් නගින්නෙ...

හරි පුදුමයි. අනේ මට බයයි කැතී...”

ගඟ අසලම තිබුණා තනි කෙළින් උඩට ගිය ගසක්...

කඳ තනිකරම සුදු පාට ඒ ගසේ බෙදුණු අතුවල

රන් වන් පාට මල් පිරිලා තිබුණා.

සුදු පාට කඳ දිගේ වරල් වලින් ඉහළට යන

ලොකු මාළුවත් රන්වන් පාටයි.

අපොයි දෙයියනේ... ගස් නගින මාළුවෙක්... කැතී අපි

කෝමහරි මේ දූපතෙන් ඉවත් වෙන්න ඕනෙ.

මට හිතෙන්නෙ ඔය හොල්මනක්”

"හො... හො... ල්මනක්. අනේ මං බයයි කැතී”

"ඒ හොල්මනක් නෙවේ මාළුවෙක්.

ගස් නගින මාළුවො ගැන ඔයාලා අහලා නැද්ද?"

"දෙවියන්ගෙ නාමෙන් ඔය විහිළු කතා කියන එක

නතර කරන්න කැතී. මට ආයෙ තරහ යනවා”

ප්ලේනා තමන්ගෙ දෑතින් කන්දෙක වසාගෙන කිව්වෙ කෑ ගහලා.