සයිබීරියාවෙන් පෙරදිගට

"මේ ලෝකයේ තිබෙන ඉතාම රමණීය ප්‍රදේශය තුළ පිට පිට දවස් පහක් ම මම ඇවිද්දෙමි" යි 1856 දී මින්නේරිය වැව් ඉස්මත්තේ සංචාරයක යෙදුණු සර් හෙන්රි වෝඩ් ආණ්ඩුකාරතුමා තම දින සටහන්වල ලිවීය. " සයිබීරියාවෙන් පෙරදිගට" ලියු සුදත් පොඩිරත්න ද පළමුව ශ්‍රී ලංකාවේ එසේ රමණීය වූත්, අප්‍රකට වූත් දිය ඇලි, වන ආරණ්‍ය, ගිරි ශිඛර, මතු නොව මිමුරේ වැනි නොඉඳුල් සම්ප්‍රදායික ගම් දනව් වල ද චාරිකා කළේය. ඒ තනිව නොවේ. ඔහු වැනිම වූ තවත් අපූරු මිත්‍ර පර්ෂදයක්ද සමඟය. " සයිබීරියාවෙන් පෙරදිගට " මහාද්වීප දෙකක් හරහා අසමිමත මං පෙත් ඔස්සේ දුෂ්කර වූත්, සුන්දර වූත් චාරිකාවක යෙදුණු අපූරු මිනිසුන් දස දෙනෙකුගේ කතා පුවතයි. ඒ තුළින් මකාර්චුළලාගේ මහා ස්ටෙප්ස් තණ බිමේ නැවුම් සුවඳත්, ගෝබී කාන්තාරයේ රළු වැලි සුළගේ ඒකතානමය හුදෙකලා ගීතයත්, චීන මහා ප්‍රාකාරයේ අභිමානයත් වෙත මනසින් අප කැඳවාගෙන යන්නට සුදත් පොඩිරත්න සමත් වෙයි.