දෙසිතක සුසුමන්

නිමන්තා එසැණින්

එම ලියුම අතට ගත්තාය.

ලියුම කැඩීමට පෙර ඇය බලා සිටියේ 

තම ආදරණීය ජාලියගේ අත් අකුරු දෙසය.

තාමත් ඒ අකුරු එලෙසමය.

ඔහු ඉංග්‍රීසි අකුරු ලියන රටාව වෙනස්ය.

අයි අකුරට තිතක් වෙනුවට

ඔහු තබන්නේ බිංදුවකි.

එලෙස ඉංග්‍රීසි අකුරු

අමුතුම හැඩ යොදා ඔහු ලියන්නේය. 

ඒ ලියුම් කවරයෙහි To ලෙස 

සඳහන් කරමින් 

තමන්ගේ නම ලියා ඇති අතර

නැවතත් අතින් අතගා

මුවට ළං කළ නිමන්තා

ආදරණීයව සිප ගත්තේ

ආරියපාල මහතා තමාගෙන්

ඉවතට යන තුරු සිටය.