කළු බඹරු

“බාප්පල, ලොකු අප්පච්චිල, මාමණ්ඩිල කෝපි වගා කරල බලන්ට. එතකොට කට වහගන්න වෙන්නෙ කාටද කියල බලතෑකි. ඒත් අපේ බිම් අඟලක, එක ලියද්දක හරි කෝපි වගා කරන්ට මම ඉඩ දෙන්නෙ නෑ

“තොට හොඳට ම ඕන නං අක්කර දහයක් දොළහක් ඇති. ඒත් හතර කෝරළේ තොගේ ද බොල?”

කෝප ගැනුණු බණ්ඩාර වේගයෙන් පුටුව පස්සට දමා නැඟිට වලව්වෙන් පිට වී යන්නට ගියේය.

කෝරාල මාමණ්ඩි සුද්දන්ගේ චාටු බස්වලට රැවටී රටට කරන්නට යන විපත පන්සලේ නායක හාමුදුරුවන්ටත් විජිතසිරි හිමියන්ටත් දැන්වීම මැනවැයි සිතූ බණ්ඩාර එක එල්ලේම පන්සල වෙත ගියේය.