බඹරෙකු රිදවා මලක් හැඬූ දා

මයිකල් ආන්ජස්ලෝ ප්‍රනාන්දු අද යුවතියන් අතර ඉතා ජනප්‍රිය ලේඛකයෙකි. ඔහු අරලිය පුවත්පතට ලියන සුරඟනක කඳුළක් සලා නවකතාවත්, රෝස මාවත ලිපිපෙළත්, අතිශය ජනප්‍රිය විශේෂාංගයන්ය.

ආක්ස්ප්ලෝ මේ ජනප්‍රියත්වය හිමිකර ගත්තේ අද ඊයේ නොවේ. මීට දස වසරකට පෙර දී ඔහුගේ කුළුදුල් නවකතාවෙනි. එදා "බඹරෙකු රිදවා මලක් හැඬු දා” නව කතාව අද ඔහු ලියන ලිපි මෙන්ම ජනප්‍රිය වූ බව මතකය.

යොවුන් පරපුරේ සිතුම් පැතුම් හද පත්ලෙන්ම වටහාගත් ලේඛකයෙකු ලෙස මම ඔහු හඳුන්වා දෙමි. ඔහුගේ රචනා විලාශයේත් කතාව හා චරිත ගොඩනැංවීමේදීත් ප්‍රකට වන්නේ ඒ අවබෝධය තුළින් පිබිදුණු ඔහුටම ආවේණික රටාවකි.

බන්දුල පද්මකුමාර

ප්‍රධාන කර්තෘ

'අරලිය' , 'සරසි' , 'සත්සර' , 'රැජිණ'