කොළඹ පන්සල - කෙටිකතා සංග්‍රහය

ගමේ පන්සලේ මෙන් කොළඹ පන්සලේ පිංකැට නැත, ඇත්තේ කාර්යාලයකි. සියලුම පරිත්‍යාග කාර්යාලයට බාරදී රිසිට් පතක් ලබාගත යුතුය. පන්සලට එන ලොකු නෝනලා ඒ සඳහා රුපියල් දහස් ගණනින් පරිත්‍යාග කරති. ත්‍රිපිටකය රන්පත්වල ලියා පිටරටවල ධර්ම ප්‍රචාරය සඳහා යොදා ගැනීමේ වැඩසටහනක් කොළඹ පන්සලේ ආරම්භ කර ඇත. සමහර නෝනලා ඒ සඳහා නායක හාමුදුරුවන්ට සල්ලි මිටි ගණනින් පූජා කරති. මේ සඳහා දායක වීමට සිතූ විමලාවතී හාමිනේ ද ගමේ ඉඩම් කැබැල්ලක් විකුණා රුපියල් දස දහසක් පූජා කළාය. ඒ සමඟම ගමේ පන්සලට ද කිසියම් පරිත්‍යාගයක් කළයුතු යැයි බාල දියණිය ඇයට බලකර සිටියාය.