දෝංකාරය සහ වෙනත් සෝවියට් රුසියානු කෙටි නවකතා

දුරු බිඳෙන විට නික්මෙන හඬට සමාන විනිවිද යන තියුණු හඬක් සහිත දෝංකාරයක් තිබෙන බව විත්කා මා සමග කීවා ය. යෝධ පිහියකින් ගසා එක පහරින් කැපුවාක් මෙන් පෙනෙන ඉතා පටු විවරයකය මේ දෝංකාරය වාසය කළේය. ඔබ ඔහු සමග ගැඹුරු හඬින් කතා කළත් ඔහු ඔබට ඉතා සිහින් උස් හඬින් පිළිතුරු දෙනවා ඇත. එහෙත් එක් වරක් පමණක් පිළිතුරු දීමෙන් තෘප්තියට පත් නොවන හෙතෙම එම විවරයෙහි ඇත්තා වූ හැම සිදුරක් තුළින් ම මීයන් කෑ ගාන්නා වැනි අප්‍රසන්න හඬින් කීප වරක් ම පිළිතුරු දෙනවා ඇත.