නිල් රෝසි

මීදුම් ගලා ගිය සැදෑවේ දැඩි ශීතල මකමින් බුරබුරා නැගෙන ගින්නේ උනුසුම... හීනියට හමායන පවනෙන් රැගෙන එන නේක මල් සුවද.... කදු පල්ලම මත බූත රටා අදින ගහකොලවල හෙවනැලි.... අහසේ පාවගිය වෛවර්ණ වලා අදුරට හැරෙද්දි එබිකම් කරන තරු රටා... එක්ක හිත සංසුන් වෙද්දී ඇය සැරසුනේ වස්දඩුවක මියැසිය එක්ක හදවතින්ම දැහැන්ගත වෙන්න. ඒ වැයෙන ස්වර හරිම මිහිරෙන් අදුරු නිහඩ පරිසරය තුල පාවෙලා යනවා. ඒත් නිල්‍යාගෙ මුළු හිතම පුරවමින් ඒ ස්වර රටා ඒ පුංචි හදවතේ ගැඹුරුම තැනක නතරවෙනවා ඇයට දැනුනා.