රසාර්ථ දීපනී

කලාකාරයා කලාත්මක දෙයක් නිපදවන්නේ නීති රීති නැමති කෝදුව අතින් ගත්තකු ලෙස නොවේ. අදීන කවියෙක් නම් ඔහු තමාගේ ප්‍රතිභානයෙහි ද දෘෂ්ඨියෙහි ද පිහිටා කාව්‍යයක් කරයි. ඔහුගේ ඒ කාව්‍යයෙහි රීතිය, ගත් මඟ අනිත් කවින්ගේ රීතිය නොවේ. සන්දර්භයෙන් ද ඔහුගේ කාව්‍ය වෙනස් වෙයි. එහෙයින් එය පැරණි නීති රීති වලින් බඳින ලද්දක් නොවේ. එසේ වුව ද එය කිසිම නීතියකින් රීතියකින් නොබඳිනු ලැබූවක් ද නොවේ. එය බඳිනු ලැබූ නීති රීති, දත හැක්කේ ඔහුගේ ඒ කාව්‍යයම විමසා බැලීමෙනි.

තේරි ගී ප්‍රස්තාවනාව

මාර්ටින් වික්‍රමසිංහ