මහ රහතුන් වැඩි මඟ ඔස්සේ 3

ගෝරතර සසරේ තවත් එක් සන්ධියක ඉබාගාතේ ඇවිදි සංසාර සතුන් හට නොඇලෙන්න කියාදුන් නොගැටෙන්න සිහිය දුන් අතහරින සතිය දුන් නිදුකානගේම පුත් සඟ මැණික ඔබම විය

කරගන්න මහ කුසල් බෙදා ලොවටම දහම ඔබේ අවබෝධයෙන් සැනසීය මනු කැලක් එමතු නොව දෙවියෝද එයින් තුටු වනු දනිමි

සාරිපුත් පරපුරේ අපේ කාලේ උපන් මහකසුප් මහතෙරගෙ එමඟයන බුදු පුතුනි එක්කෝ මරණයය නොමැතිනම් නිවනමය කියා කළ සිහ නාද තව කොහෙන් අසන්නද

ඔබේ දම් ගැලපුමට නොතිත් පැසසුම් එතැයි කියූ කළ මා ඔබට පුතේ මේ මගෙ නොවෙයි බුදුරජුන් දහමමය නිහතමානීව කිවු ඒ වදන් රාවදෙයි

කොහේ හෝ වන පෙතක මේ මොහොතෙ වැඩ සිටින අපේ පිනටම උපන් හිමියනේ ඔබේ ගුණෙන් දකිමු අපි බුදු රජුන්

ඒ අමා මෑණියන් සහස් දෙකකුත් අඩක් ගෙවී වස් ගතවෙතත් වදයි ඔබ වැනි පුතුන් ලෝ සතට සෙනෙහසින්