නව චීනයේ පිබිදීම

මහජන චීන සමුහාණ්ඩුවේ දසවැනි සංවත්සර උළෙලට සංස්කෘතික නියෝජිතයෙක් වශයෙන් සහභාගී වු මාර්ටින් වික්‍රමසිංහ මහතා මහජන චීනයේ නව ප්‍රබෝධය සියැසින් දැක ඉමහත් සේ ප්‍රසාදයට පත් විය. අවුරුදු දහයකටත් අඩු කාලයකින් චීනය, මහා කර්මාන්ත දියුණුවෙන්, මහා ගංගා මැඩ ගංවතුර වැලැක් වීමෙන්, නගර නිර්මාණයෙන් පමණක් නොව, කලා ශිල්ප දියුණුවෙන් ද විස්මය ජනක උන්නතියට පත් වු අයුරු 1959 දී වික්‍රමසිංහ මහතා විවරණය කලේ අප රටට ද ඉන් නොමඳ අභ්‍යාසයක් ලද හැකි බව අවධාරණය කරමිනි.