නො 999 බංගලාව 2

ජයශංඛ කරුණාරත්න

නො. 999

බංගලාව

2

ඇය එම ඉරියව්වෙන් කොපමණ වේලාවක් සිටියේ දැයි මතක නැත. එකවරම පසුපසින් නැඟුණු වියළි කොළ පෑගෙන හඬකින් තිගැස්සී ගිය ඇය, පසුපස හැරී බැලුවා ය. එවිට ඇගේ විස්මයට හේතුවන පරිදි කොණ්ඩය කඩා පිට මැද්දට ඉහිරවාගෙන සිටී තරුණියක් ඇයගේ පසුපසින් සිටගෙන සිටිනවා දැකගත හැකිවිය. අඳුරේ වුවද ඇයගේ මුහුණ දැඩි සුදුමැලි පැහැයකින් යුක්ත බව රාසාංගිට හොඳින්ම පෙනී ගියේ ය. කෙවිනි තුළට ගිලී ගිය මලානික දෑස හා වියළී ගිය දෙතොල් තරුණියගේ මුහුණට එක්කර තිබුණේ භයංකාර බවකි.