අහා හැඩයි මේ රෑ

තමා පසු පසින් ලුහු බැඳ එන පොලිස් රථය ඔහුට පෙනෙයි. බැහැ කීයටවත් පොලලීසියට අහුවෙන්නම බැහැ. රියදුරු අසුනට එහා අසුනේ වූ දරුවා දෙස බැලූ ජිමී, ඉන් අදහසක් උපදවා ගත්තේය. මං මේකට වෙඩි තියල, එළියට ඇදලා දැම්මොත් පිටිපස්සෙන් එන එකා කොල්ලව බේරගන්න වාහනේ නවත්තනව සිකුරුයි..... මිනිහ තව පොලිස් වාහන ගෙන්න ගන්න කලින් දැම්මම ඒ දේ කරන්න ඕනෙ.... ජිමී දරුවාගේ ආසන පටියේ ගාංචුව මුදා හැරියේය. අනතුරුව දරුවාගේ පැත්තේ දොරගුළු ද හැරලූයේය. ඊළඟ තත්පරයේ දී ජිමී සිය ජැකට්ටුව තුළට සුරත යැව්වේ පිස්තෝලය ගැනීමටයි.