මුහුද සහ විෂ

ජපන් නවකතාවක් වන මෙම කෘතිය සුප්‍රකට අකුතගාවා, සින්චියෝ හා ටැනිසාකි සම්මානවලින් පිදුම් ලැබූවකි.

ස්වභාවික ඉතිහාසය ගුරුවරයාගේ අන්වර්ථ නාමය වනුයේ ඔකොසේ හෙත් ව්‍යාඝ්‍ර මාළුවා යන්නය.හේතුව ඔහුගේ නළලේ හා කම්මුල්වල ඉදිරියට නෙරන ලද අස්ථි ව්‍යාඝ්‍ර මාළුවාගේ මෙන් වීමය.ඔහු අප ඉදිරියේ පෙනී සිටියේ බැගී කලිසමක් සහිත දිරා ගිය ඇඳුම් කට්ටලයකින් සැරසීගෙන ය.ඔහු සිය කුඩා ඇස් වලින් ‌නොකඩවා ඇසිපිය ගසමින් අප හා කියා සිටියේ ‌රොක්කෝ කඳු අවට ගත කරමින් සිය මුළු ජීවිතයම කෘමීන් අධ්‍යයනය සඳහා කැපවූ අන්දම ය.