ඩේමියන්

ජූනි මස හයවැනිදාක උපන් සිය දරුවා ඩේමියන් ගේ හිස මුඳුනේ
හයේ ඉලක්කම් තුනක් ඇති බව රොබට් තෝර්න් දැන ගත්තේය.
මෘගයාගේ ගණන හයසිය හැට හය බව නුවණැත්තන් දැනගනිත්වා
යනුවෙන් එළිදරව්වේ සඳහන්ව තිබිණි.
සිය පුත්‍රයා වෙතින් සාතන් දැක ගත් රොබට් අවාසනාවන්ත ලෙස මරණයට පත්විය.
සත් වසකට පසු ...
රොබට් ගේසොහොයුරු රිචඩ් තෝර්න් ළඟ හැදෙමින් වැඩෙමින්
එම දරුවා දහතුන් වැනි උපන්දිනය සැමරුවේය.
කාලය තරම්ම පැරැණි බිතු සිතුවමක් කැණීම් හරහා පාදා ගැනිණි.
එහි සාතන්ගේ ගැටවර වියේ මුහුණ ද වූයේ ය.
ඒ මුහුණ සමාන වුයේ ඩේමියන් ගේ මුහුණට ය.
සාතන්ගේ පුත්‍රවා තමන්ගේ ඉදිරි මඟ හෙළි පෙහෙළි කර ගනිමින් සිටියේ ය.