සැවැන්දරී

මේ සන්සුන්ව සිටින්නේ හේමන්තගේ ආදරණීය සැවැන්දරියයි. තමාව මේ සමාජයේ මහා මිනිසෙකුගේ තැනට ඔසවා තබපු ඒ මුදුන් මුලයි. එදා ඉගෙනීම අත්හැරපු, විශ්වවිද්‍යාලයේදී සිසු උද්ඝෝෂණ මැදින් පොලිසියෙන් පහර කමින් දියකල හැරි අනපේක්ෂිත ජීවිතයෙන් ගලවාගෙන හේමන්තව උපාධීධාරියෙක් කළේ ඇයයි. සෙව්වන්දිය දවසින් දවස ගුණ සුවඳ විහිදුවණා දුලබ සැවැන්දරා මුලක්ම වෙද්දී... ඒ ජීවිතයෙන් කවදත් හැමුවේ සිත සනහාලන සුවඳක් විතරමයි. ඕනෑම ගසක් පිටතට ‌පෙනෙන්න මහා රුක්ෂයක් සේ පොලෝ තලයේ වැජඹී සිටියත් ඒ ගසේ සවිය ශක්තිය යනු ඒ ගසේ මුලයි. ලොවට පෙනෙන ඒ මහා වෘක්ෂයේ රඳාපැවැත්ම වන්නේ ඒ ගසේ මුදුන් මූලයයි. ඉඳින් මුදුන් මූලය නැති ගසකට ජීවයක් කොයින්ද?