මග ඵල ලබන මග

දුර්ලභ මිනිස් ජීවිතයත් දුර්ලභ බුද්ධ සාසනයත් එක් වූ තැන බුද්ධිමත් වීර්යයවන්ත මිනිසුන් හට චතුරාර්යය සත්‍යය අවබෝධ කොට සසර දුකින් මිදීමේ වාසනාව උදා වේ.

මේ ජීවිතය තුළ දීම මග-ඵල ලැබීමට නම් බාහිර අංග ලෙස කල්‍යාණ මිත්‍ර ඇසුර, සද්ධර්මශ්‍රවණයත් ලැබිය යුතුය. මෙම සදහම් ග්‍රන්ථය තුළින් චතුරාර්ය සත්‍යය අවබෝධ කොට මග-ඵල ලබන මග කල්‍යාණ මිත්‍රයෙකු ලෙස ඉතා සරල බසින් ඔබට පහදා දෙයි.

මේ ජීවිතය තුළ දීම මග-ඵල ලැබීමට නම් අභ්‍යන්තර අංග ලෙස යෝනිසෝ මනසිකාරයත්, ධම්මානුධම්ම ප්‍රතිපදාවත් ඔබ තුළ ඇති කරගත යුතුය. ඉහත දැක්වූ සෝතාපත්ති අංග තමන් තුළ පිහිටුවා ගැනීමෙන් මේ ග්‍රන්ථයේ පෙන්වා දී ඇති ආකාරයට මේ ජීවිතයේ දීම මග-ඵල ලැබිය හැකිය.