හර්ද සූත්රය

මේ හර්ද සූත්‍රය කියන කතාව වෙනස්ම විදිහකට ලියවුන කතාවක් කියලා කිවොත් හරි. මේ පොත ද්විත්ව කර්තෘ පොතක්. ඒ වගේම මෙ පොත රචනා කරලා තියෙන්නේ " සුනෙත්‍රා රාජකරුණානායක" මහත්මිය සහ " සමන් ආතාවුදහෙට්ටි" මහතා විසින්.

මේ කතාව ගලාගෙන යන්නේ පුන්සරා සහ මුදිත කියන චරිත දෙක වටා. මේ කතාව ප්‍රධාන කොටස් දෙකකට බෙදිලා තියනවා. මුලින්ම පුන්සරා කතාවෙ එක කොටසකුත් මුදීත මේ කතාවේ අනෙක් කොටසත් තමන්ගේ දෘශ්ඨිකෝණයෙන් කතාව රචනා කරලා තියනවා .

කුඩා කල ඉදලා පුන්සරාට සියල්ල අහිමීවෙද්දී එකම එක මොහොතක සියල්ල වෙනස් ම පැත්තකට හැරෙනවා . එලෙස ඇයගේ වෙනස් වන ජිවිතයත් මුදිතගෙ චරිතයත් වටා මෙ කතාව ගෙතිලා තියනවා..

කතාවේ ප්‍රධාන චරිතය වන පුන්සරාගේ ජීවිතය හරහා සමාජයේ විවිධ පැතිකඩ, මානසික පීඩනය, පවුල් සබඳතා සහ ජීවිතයේ අර්ථය සොයා යාමේ ගමන පාඨකයා ඉදිරියේ දිග හැරේනවා. කතාව ඉදිරියට යන සෑම මොහොතකම පාඨකයා චරිත සමඟ සංවේදී බැඳීමක් ගොඩනඟා ගන්නවා වගේම, ඔවුන්ගේ සතුට හා වේදනාව තමන්ගේම අත්දැකීම් ලෙස දැනෙන්නට සලස්වනවා.

සුනේත්‍රා රාජකරුණානායක මහත්මියගේ ලේඛන ශෛලිය සරල වුවද, හැඟීම්බර සහ කාව්‍යමය ස්වභාවයකින් යුක්තයි. එනිසාම මෙම නවකතාව කියවීමේදී පාඨකයාට කතාව පමණක් නොව, ජීවිතය පිළිබඳ ගැඹුරු ලෙස සිතීමටද අවස්ථාව ලැබෙනවා.

ඒ වගේම සමන් ආතාවුදහෙට්ටි මහතාද හරිම ලස්සනට සරල බස් වහරකින් කතාව තේරුම් ගන්න ලෙසීවෙන විදිහට පොත රචනා කරලා තියනවා.

මේ පොත සරසවි ප්‍රකාශකයෝ විසින් ප්‍රකාශයට පත් කරල තියනවා. ඒ වගෙම මේ පොතේ පිටු 275 ක් තියනවා

1