භීතියේ නිම්නය

“එයාගෙ කටිං පිට වුණ, ඔබේ අවධානයට යොමු වුණ වචන මොනව ද කියලා මට දැනගන්න පුළුවන් ද?” යි ෂර්ලොක් හෝම්ස් විමැසුවේ ය.

“භීතියේ නිම්නය” යි ඕ පිළිතුරු දුන්නා ය.

මම ප්‍රශ්න කළහම එයා කියාපු වචන දෙකක් තමයි ඒ. 'මම හිටියෙ භීතියේ නිම්නයේ. තව මත් ඒක ඇතුළෙ මයි, පිට වෙල නෑ කියලා එයා කිව්වා. එහෙම කියද්දි එයාගෙ තිබුණේ මම කවදා වත් නොදැකපු විදිහේ මහා බරපතළ පෙනුමක් නිසා මම ඇහැව්වා 'අපට කවදා වත් භීතියේ නිම්නයෙන් පිට වෙන්න බැරි ද?' කියලා. ‛සමහරවිට අපට කවදා වත් පිට වෙන්න බෑ කියලා තමයි මම හිතන‍් කියලා එයා උත්තර දුන්නා.”