මෙ රට ජන සමාජය චිත්‍රණය කිරීම අතින් නූතන සාහිත්‍යය යුගවලට බෙදා වෙන් කළ හැකි නම් ‘ජීවන සුවඳ’ ඉන් එක් යුගයක් ආරම්භ කළ කෘතියකි. වත්මන් 'මැද පන්තියේ’ කතන්දරය ඇරැඹුණේ මේ කෙටිකතා එකතුවෙනි. එය එ කල විසූ තරුණ පෙළ විසින් සලකන ලද්දේ සිය හදවතේ කතන්දරය ලෙස ය. ඒ සමඟ ම සිංහල කෙටිකතාව නව මඟකට යොමු කළ කෘතියක් ලෙස ජීවන සුවඳ ඉමහත් සම්භාවනාවට ද පාත්‍ර වී ය.

අඩ සියවසකට පසු ව අද සිංහල කෙටිකතාවේ මඟ සලකුණු කළ කෘතියක් ලෙස ජීවන සුවඳෙහි අගය අවිවාදිත ය. ඒ අතර එ දා තරුණ පෙළ සේම අද තරුණ පෙළ ද සිය හදවතෙහි කතන්දර ජීවන සුවඳෙහි දකිති.