මරණයේ සිට උපත දක්වා

කර්මය යනු අපව පුනරුප්පත්තියට නතු කොට සංසාර චක්‍රයට තබා ගැට ගසා කරකවන එකම සාධකය බවත් කර්ම විපාක ලිහිල් කර ගනිමින් අධ්‍යාත්මිකව මාර්ගයේ යමින් තෘෂ්ණාව, ඇලීම, ඊර්ෂ්‍යාව, ක්‍රෝධය, මදමානාදිය සිත්වලින් බැහැරකොට චිත්ත පාරිශුද්ධත්වය ඇති කර ගැනීමෙන් භව ගමන කෙටි කර ගත හැකි බවත් මේ කෘතියෙන් පැවසේ. භාවනාවෙන් සිත ශක්තිමත් කරගෙන ප්‍රාණයාමය, හතයෝග, ඥානයෝග, ක්‍රියායෝග ආදිය ප්‍රගුණ කිරීමෙන් යහපත් ප්‍රතිසන්ධියකට යා හැකි බව ද කතුවරයා අවධාරණය කරයි. මීට අමතරව අග්නි විද්‍යාව හදාරා නිපුණ යෝගියෙකු වීමෙන් තම පැරණි ශරීරය අතහැර කුණුවෙමින් පවතින වෙනත් ශරීරයකට තම ප්‍රාණය ඇතුළුකොට තවත් කාලයක් එම ශරීරයෙන් ජීවත් වීමේ හැකියාවක් එවන් නිපුණ යෝගියෙකුට සිය කැමැත්තෙන් තම ශරීරය අතහැර යා හැකි ක්‍රම ද මීට ඇතුළත් වේ. මෙම පරිවර්තනය ද ප්‍රවීණ ලේඛක තිලක කුඩාහෙට්ටි සූරීන්ගේ තවත් ව්‍යායාමක අග්‍රගන්‍ය ප්‍රතිඵලයකි.