ඔහු මා අභියස හිඳියි. මරණය රමණය තරමට ම ආශ්වාදජනක වූ දේශයක, අඳුරුතම කාලපරිච්ඡේදයක දී ලියූ තම කවිවලට පහළින් කර්තෘ අඥාත බව සටහන් තැබූ කර්තෘ දැන් මා ඉදිරියේ දෘෂ්‍යමානව සිටියි. දෙමළාගෙන් ගැලූ රතු රුහිරු අතිශයින් සාමාන්‍යකරණය වූ මොහොතක, රක්ත වර්ණය රණකාමීත්වයේ සලකුණක් බවට පෙරලා ගෙන මළ මිනී මතින් ජයපැන් පානය කළ, මුවහත් අසිපත් අතින් ගත් සිංහයන්ගේ කොදෙව්වේ, අනෙකාට ද තම අයිතීන් වෙනුවෙන් අරගල කිරීමේ අයිතිය සැම විටම සමාන යැයි කියූ ලියූ වරදට දේශ හිතෛශීන් විසින් පිටුවහල් කරන ලද දේශද්‍රෝහියා මා දෙස බලා සිටියි.

ඉන්දික උඩුගම්පොළ

මධුවිතට පසුසටහන (www.boondi.lk)