නාම - රූප විභාගය
අභිධර්ම සාහිත්යයේ ප්රභවය පිළිබඳව සිදුකරන ශාස්ත්රීය විශ්ලේෂණයක ප්රතිඵලයක් ලෙස මෙම ග්රන්ථය නිර්මාණය වී ඇත. මෙහිදී විශේෂයෙන් කතුවරයා සප්තප්පකරණ තදනුබද්ධ අට්ඨකතා හා ටීකා සහිත්ය ද එමෙන්ම සංග්රහ ග්රන්ථ වලින් කරුණු උපුටා ගෙන ඇති බව පෙනේ. මූලාශ්ර භාවිතය පිළිබඳ දැඩි සැලකිල්ලක් දක්වා තිබීම ග්රන්ථයේ ශාස්ත්රීය අගය වැඩි දියුණු වීමට හේතු වී ඇති බව ප්රකට වේ. මීට අමතරව අභිධම්ම සංග්රහ ග්රන්ථවලින් ද, එසේම සූත්ර පිටකයේ අවශ්ය තැන් වලින් ද කරුණු උපුටා ගැනීමට කතුවරයා උත්සාහ ගෙන ඇත.
අභිධර්මය පිළිබඳ සාම්ප්රදායික මතවලට ද ගරු කරමින් මේ පිළිබඳ නූතන විද්වත් මතය ප්රකට කිරීමට මොහු උත්සාහ ගෙන ඇත. තවද අභිධමර්ය ඉගෙන ගැනීම තුලින් බුදුදහමෙහි පරම නිෂ්ටාව වන නිර්වාණාවබෝධය පිණිස උපස්ථම්භකයක් වන ආකාරය මෙහි දී අවධාරණය කර ඇත. මේ කුළුදුල් උත්සාහය තවදුරටත් සාර්ථකත්වය කරා ගෙන යාමට කතුවරයාට ශක්තිය ලැබේවායි ! ප්රාර්ථනා කරමි.
මහා විහාර වංශික ශ්රී ලංකා රාමඤ්ඤ මහා නිකායේ,
පූජ්යතර අධිකරණ ලේඛකාධිකාරී,
අක්මීමන ධම්මපාල නායක මහා ස්ථවිර,
ලීලා ජයතිලක ධර්ම නිකේතනය.
ශ්රී ඤාණාවාස නාහිමි මාවත
දිවුලපිටිය
