ඔබ තරුවකි මනරම්

ඔහු මාදෙස බලා සිටි ඒ බැල්ම.. එය නම් කවර යුවතියකට වුව එකවර විඳවාගත නොහැකි බැල්මකි. ඔහුගේ දෑස් විටෙක අඩවන්ව දිලිසෙයි. දෙතොලේ නොපා සගවාගත් ලා මදහසකි.

...ඔව්..

මම ඒ බැල්මට වශී වෙමි. මට මා පාලනය කරගත නොහැක. කවරදාකවත් සිදු නොවුණ ලෙසින් මම මේ තරුණයාට මෝහණය වන්නට යන්නේය.

...එහෙත්..

වහා පියවි සිහියට පැමිණුණෙමි. මොහු නළුවෙකි. නොහොත් මවා පෑම් සත්‍ය ලෙසට විදහා දැක්වීමට හැකි අති සාර්ථක රංගන ශිල්පියෙකි. ඔහු මේ හදන්නේ මා ඔහුට වසග කර ගැනුමටති සාර්ථක වීයි. ඔහුගේ අභිප්‍රාය අ ඇතැයි පවසමි. මන්ද යත් ඔහුගේ සුපෙම්වත් වත දකින කල මට වදන් අමතක වේ. සිහිය උන්දමාද වේ. මා දන්නේ සෙල් පිළිමයක්ව ඔහු දෙස බලා සිටීමට පමණකි.