මේ වනාහි මව්සින් 1960 වර්ෂයේ දී ව්‍යංග්‍යා මගින් ඉදිරිපත් කළ කෙටි ගද්‍ය රචනා සම්ප්‍රදායෙහිම තවත් පියවරකි. මේ අතරතුර කාලය තුල කුදුහොත් රචනා හා අත්පසුරු නමින් තවත් පොත් දෙකක්ද මම පළ ‍කළෙමි. මින් සමහරක් ඉතා ජනප්‍රිය වු අතර ඉතිරිය එසේ නොවීය. ජනප්‍රිය වුවත් නැතත් මේ සම්ප්‍රදාය මම ඉදිරියේද අත නොහරිමි. එහෙත් විශේෂයෙන් පැවසිය යුතු කරුණක් වනුයේ මේවා හුදෙක් ගද්‍ය පාඨම විනා කිසිසේත්ම පද්‍ය රචනා නොවන බවය. යම් හෙයකින් මේවා ගද්‍ය කාව්‍ය හැටියට හඳුන්වනු ලැබුවහොත් නම් එයට විරුද්ධ විය යුතු නොවේ.