සදා මතකයේ රැඳෙන පුරුෂ චරිත කිහිපයක්ම නිර්මාණය කළ මුල්ක් රාජ් ආනන්ද් ගේ ප්‍රථම උත්කෘෂ්ඨ කාන්තා චරිතය ගෞරි ය. සොළොස් හැවිරිදි පමණ වූ ඇය මහා පිප්ලාන් කාලන් නම් කඳුකර ගම්මානයේ රූප සුන්දරිය වශයෙන් ප්‍රකටව සිටි නාඹර යුවතියයි. සහජයෙන් අහිංසක වූව ද, රූමත් බව නිසාම උද්ගතවන අනේක විධි දුක් ගැහැට වලට සාර්ථකව මුහුණ දී සිය පවිත්‍රත්වය රැක ගැනීමට අවශ්‍ය ආත්ම විශ්වාසය සහ අධිෂ්ඨානය ඇය සතුව තිබිණි.