හඬන්න, ප්‍රියාදර මාතෘ භූමි, අපේ බියෙහි උරුමක්කාරයා වන නූපන් දරුවා වෙනුවෙන් හඬන්න. ජගන්මාතාවට ඉතා ගැඹුරින් ආදරය කරන්නට ඔහුට ඉඩ නොදෙන්න. ජලය ඔහුගේ ඇඟිලි අතරින් ගලා යන විට ඕනෑවට වඩා බලවත් ප්‍රීතියකින් සිනාසෙන්නට ඔහුට ඉඩ නොදෙන්න බසින හිරු විවෘත තෘණ භූමිය ගිනි ගත්තා සේ රත් පැහැයට හරවන විට ඕනෑවට වඩා ගැඹුරු නිහඬතාවයකින් බලා සිටින්නට ඉඩ නොදෙන්න ඔහුගේ භූමියේ පක්ෂීන් ගී ගයන විට ඕනෑවට වඩා ප්‍රබලව සංවේදී වන්නට ඉඩ නොදෙන්න කඳු පංතියක් හෝ නිම්නයක් කෙරෙහි ඔහුගේ හදවත ඕනෑවට වඩා දුනහොත් බිය ඒ සියල්ල ඔහුගෙන් පැහැරගන්නා හෙයිනි