මම අනුමාන කරන විදිහට... ජෙන්සන් මහත්තයා පෙනී හිටියෙ වනජීවී ඡායාරූප ශිල්පියෙක් විදිහට. එයා එදා ජනේලයෙන් පිටත බලන කොට වලහෙක් කුණු කූඩය ළඟට එනවා දැක්කා කියලා අපිට කිව්වා. එතන ඉඳලා ඡායාරූපෙ ගන්න බැරි නිසා එයා පිටිපස්සට එන්න තීරණය කරලා. අපි හිතන්නෙ එයාට පහර දුන්නෙ ඒ අද්භූත සතාමයි කියලා. ස්මදර්ස් මහත්තයා කියන්නෙ එළිය පත්තු වෙලා නිවිලා යද්දී ඒ සතා බය වෙලා පහර දුන්නා කියලා. ජෙන්සන් දැන් දොස් පවරන්නෙ දෙවැනි වලහට”

"ජෙන්සන් කන්දේ භූතයා ගැන රහස දන්නෙ නැද්ද?” බොබ් හිස සැලුවේය.

"එයාට කියන්න කිසිම අවශ්‍යතාවක් තිබුණේ නැහැ. ඒ වගේම එයා කොහොමටවත් අපිව විශ්වාස කරන එකක් නැහැ. මම හිතන්නෙ නැහැ ඔයා ඇර වෙන කිසිම කෙනෙක් අපිව විශ්වාස කරයි කියලා”

එසේ කියමින් ඔහු සිනාසුණේය.