අවුරුදු හයකට පෙර ශානි විසින් ඇයව සොයාගෙන ඇත්තේ ඔහුගේ සමාජ ශාලාව ඉදිරිපිටදීය. ශානි අදහස් කර ඇත්තේ ඈ ගෙදරින් පැන ආ ළදැරියක් වශයෙනි. හේතුව ඈ තම දෙමාපියන් පිළිබඳ කිසිම විස්තරයක් හෙළි නොකළ හෙයිනි. ඈ කාගේ කවුද, ජීවත් වූයේ කොහේද ආදී කිසිවක් ශානිට කියා නැත. වෙන් වී ඇති තොල් අතරින් ඉදිරියට පැමිණි විශාල දත් දෙක ඈට අප්‍රසන්න පෙනුමක් ගෙන දුනි. අපිරිසිදුව සිටි ඈ බාගෙට හාමතෙන්ද සිටියාය. ඇයගේ තත්ත්වය ගැන දුක් නොවු ශානි, කුස්සියේ වැඩට කෙනෙකුව අවශ්‍යව තිබු හෙයින් එම තනතුරට ඈව පත් කළාය. මෙතෙක් ඈ පිළිබඳව අයිතිය සඳහා කිසිවක් ඉදිරිපත් නොවූ අතර නැවතීමේ පහසුකම් සලස්වා දුන් ශානි අනෙක් සේවකයින් සේ මැරී, මැරී තමා වෙනුවෙන් සේවය කිරීමට සැලැස්සුවේය.