මුනිදාස කුමාරතුංග ළමා කව් ගී මග

සිංහල ළමා සාහිත්‍ය ක්ෂේත්‍රය ගත් කල, ප්‍රමාණාත්මකව සතුටු විය හැකි තත්වයක් එහි නැතත්, ගුණාත්මකව උසස් මට්ටමකලා අගය කළ හැකි තිදෙනකුගේ කෘතින් අප සතුව පවතියි. ඒ ඇස්. මහින්ද හිම්, මුනිදාස කුමාරතුංග , ආනන්ද රාජකරුණා යන තිදෙනාගේ කෘතින්ය. ළමා මානසිකත්වය හඳුනාගෙන , ඔවුන් තුළ සාහිත්‍ය රුචිය වඩාලන අන්දමින් රචනා කොට ඇති මේ කව් ගී, අපේ වර්තමාන ළමා පරපුරට දායාද කිරීමේදි ගුරුවරුන් සතු කාර්යභාර්ය අතිවිශාලය. ඒ සදහා ගුරුභවතුන්ට මනා පරිචයක්ද ක්‍රමෝපක්‍රම හා විනයක්ද අවශ්‍ය වෙයි. වර්තමානයෙහි ළමයින් සඳහා එවැනි කාර්යයක යෙදෙන අයුරු ගුරුභවතුන්ට කියා දිය හැකි උපදේශකයින් අතලොස්ස අතරින් , ඩබ්ලියු ඒ අබේසිංහයෝ මුල් තැනක සිටිති. ඒ සඳහා ගුරුවරයෙකුගේ පරිචයත්, ළමා මනෝවිද්‍යාඥයකුගේ භාවිතයත්, ළමා ගීත රචකයකුගේ අත්දැකීමත් ඔහු සතුව ඇත. එවැන්නකු ඒ සඳහහා අත ගසා තිබීම, ගුරුවරුන්ගේ සහ ළමයින්ගේ භාග්‍යයක් කොට සලකන අතර, මෙම පොත් පෙළ ඔවුන්ට මහඟු අත්වැලක් වේවායිද ප්‍රාර්ථනා කරමි. - සිරිසේන විතානගේ -