රත්තරන් අස්වැන්න

නිදහස් අධ්‍යාපනයෙන් පිබිදුණ පරම්පරා කිහිපයක් මෙරට සමාජ ආර්ථික සංස්කෘතික හා දේශපාලන යනාදි කේෂ්ත්‍රයන්ට විවිධාකාරයෙන් මේ වනවිට සම්බන්ධව සිටින බව පැහැදිලි සත්‍යයකි.

අධ්‍යාපන වරප්‍රසාදය හේතුවෙන් ආර්ථික අසීරුතාවලින් පීඩා විඳි පවුල්වල දරුවන්ට පමණක් නොව, විවිධ සමාජ පදනම්වල දරුවන්ට ද දෙපයින් සිට ගැනීමට ලැබුණ අවකාශය සුළුපටු නොවේ. තතු එසේ නම් මේ වන විට ශ්‍රී ලාංකේය සමාජය උසස් තත්වයක - ප්‍රශස්ත තත්වයක පැවතිය යුතුය. සැබෑව නම් එවන් තත්වයක් රටේ නොතිබීමය. අධ්‍යාපනයෙන් පිබිදුණ සාධනීය චරිත රට හැර ගොසිනි. තවදුරටත් එය සිදුවේ ඊට අදාළ සාධක ගණනාවක් ඇත. මේ නවකතාවෙන් ඒ හා සම්බන්ධ කාරණාවලට අදාළ චරිත කිහිපයක් නිරූපණය වේ.