ධම්මපදය “ධම්මපදය” බෞද්ධයාගේ අත්පොත බව අවිවාදයෙන් යුතුව පිළි ගැනේ. “ධම්මපදය” බෞද්ධ ජනතාව අතර ජනප්‍රිය වූයේ ‘ධම්මපදට්ඨ කථාව’ නිසාවෙනි. ක්‍රි. ව. 5 වන ශත වර්ෂයේ ලංකාවට වැඩම කළ මහා අට්ඨකථාචාර්ය බුද්ධඝෝෂ මාහිමියන් විසින් පරිවර්තිත අට්ඨකතා නිසා බුදු දහම සාමාන්‍ය ජනතාව අතර ජනප්‍රිය විය. ධම්මපදය සහ ධම්මපද අට්ඨකථාව ද එවැන්නකි. “ධම්මපදය” අලලා බොහෝ ග්‍රන්ථවල බස් වහර සාමාන්‍ය ජනතාවට තේරුම් ගත නොහැකි ය. ගිහි - පැවිදි උභය ජනතාවට ම සරල සිංහල අනුවාදයක් සහ සරල කථා වස්තු සහිතව සම්පාදිත මෙම සම්පූර්ණ ධම්මපද විවරණය අපේ පාඨක ජනතාව අතර ඉක්මනින් ජනප්‍රිය වනු ඇතැයි සිතමි. -රාජකීය පණ්ඩිත, පූජ්‍ය දොරපනේ මන්දානන්ද හිමි