සඳුන් හර
නිර්මාණ ලේඛකයකු ලෙස කවිය, කෙටිකතාව, නවකතාව ආදිය තුළ සිය දක්ෂතා ප්‍රකට කළ ප්‍රතිභාපූර්ණ තරුණ සාහිත්‍යවේදියකු වන චන්දන ඉලන්දාරිගේ සාහිත්‍ය-කලා විචාරයෙහි ද උද්‍යෝගිමත් ව නියැලී සිටින්නෙකි. සිංහල භාෂා සාහිත්‍යය කෙරෙහි ඔහු සතු විවක්ෂණ භාවය වඩාත් ප්‍රකට ව පෙනෙන්නකි. "සඳුන් හර - ශාස්ත්‍රීය ලිපි සංග්‍රහය" ඔහු විසින් රචිත ග්‍රන්ථ විචාර හා ශාස්ත්‍රීය ලිපි විස්සකින් යුතු වෙයි. පුරාතන සිංහල සාහිත්‍ය කෘති හා කාව්‍ය ශාස්ත්‍රය සම්බන්ධ අගනා ලිපි රැසක් ම මෙහි ඇතුළත් ව තිබේ. එම ලිපි මඟින් අදාළ විෂයයන් සම්බන්ධ විවාදසම්පන්න කරුණු විමර්ශනය කරමින්, දුර්මත බිඳ හෙළමින්, ගැටලු නිරවුල් කරමින් ඔහු දක්වා තිබෙන මතවාද වියතුන්ගේ අවධානයට නිසි ය. නිර්මාණකරුවා සතු ප්‍රතිභාව විචාර කාර්යයෙහි ලා ඉවහල් ව තිබෙන අයුරු ද මේ ලිපි මඟින් දැකගත හැකි වෙයි. සඳුන් හරයක් ම බඳු මේ "සඳුන් හර - ශාස්ත්‍රීය ලිපි සංග්‍රහය" විචාරශීලී පාඨකයන්ටත් ශාස්ත්‍රවන්තයන්ටත් විපුල ඵල ලද හැකි අගනා කෘතියක් ලෙස හඳුන්වා දීමට පුළුවන.
Details
Delivery and payment
- 1–3 working days in Sri Lanka, 7–14 days worldwide
- Free delivery in Sri Lanka over රු. 10,000.00
- Cash on delivery within Sri Lanka
- Cards, eZ Cash and FriMi accepted online
- Pay in 3 instalments with Koko or Mintpay
තවම කිසිවෙකු මෙම පොත ගැන ලියා නැත. ඔබ පළමුවැන්නා වන්න.
