ටුටූ දූපතේ මායාව

ලොකුම ලොකු බඩක් තියන කළුම කළු ඇඟක් තියන කේට් මාමගේ කටේ දත් ඉස්සරහට ඇවිත් තිබුණ නිසා කවදාවත් කටවහගන්න බෑ............ කොච්චර වැහුවත් දත් තුනක්වත් එළියෙ, ඉත්තෑකූරු වගේ කොණ්ඩෙ හැමදාම කොටට ම කපලා තිබුණ නිසා ඔලුව බෝලයක් වගේ රවුම්, ටී ෂර්ට් එක මදි හින්දා බඩෙන් බාගයක්ම එළියෙ තමයි තිබුණෙ, කොට කලිසම දණහිස ගාවට විතරයි දිඟ, ලොකුම ලොකු වට්ටක්කා ගෙඩියක් විතර පස්සක් තිබුණා. ටුටූ වගේ දෙන්නෙකුට වාඩිවෙන්නත් ඉඩ තිබුණා. බයවෙච්ච දිහා හොරෙන් බල බල යන කේට් මාමා දිහා ටුටූ දොර ළඟට වෙලා බලාගෙන හිටියා. වෙච්ච වැඩේ අනිත් අයට කියනකම් ටුටූට ඉස්පාසුවක් නෑ.....