අප මෙවර යටත් වන්නේ තුවක්කුවේ බලයට නොව මුදලේ බලයට ය. ණය බරට සින්න වීම ඔස්සේ ය. පාවා දෙන පාලකයන්ගේ ආත්මාර්ථකාමීත්වය ඔස්සේ ය. රට බේරාගැනීමට අප සටන් කළ යුතු ය. ඒ සටන අවි අමෝරා නොව‍, නුවණ, කැපකීරිම් හා දක්ෂතාවය පෙරටු කරගත්තක් විය යුතුය. එය වැටී ඇත්තේ ව්‍යාපාර හා කර්මාන්ත නැමැති මාවත ඔස්සේ ය .එහි යාත්‍රාව අන්තර්ජාතික වෙළදාම නම් වෙයි. එබැවින් එම මාවතේ යාමට‍ එසේ ගොස් සාර්ථක වු සිංගප්පුරුවෙන් උගත යුතු පාඩම් බොහෝ ය.