ක්ලෙමන්ටයින් රෝස් මෙලොවට බිහි වුයේ සාමාන්‍යයෙන් සිදුවන ආකාරය ට රෝහලක දී නොව, කුඩා වෑන් රථයක පිටුපස, රවුම් පාන් කූඩයක් තුළදීය.
සිය මව වන ක්ලැරිසා ආර්යාවත්, ප්‍රධාන සේවකයා වන ඩිග්බි පර්ට්විස්ට්ල් සහ ලැවැන්ඩර් යනුවෙන් හඳුන්වන ඉතා සුරතල් කුරු පුංචි ඌරු නෑම්බියකුත් සමඟ පෙන්බර්ති ෆ්ලොස් ගමේ, ගරා වැටුණු විශාල වළව්වක ජීවත් වන ලස්සණ කුඩා දැරියක ගේ කතාන්දරය ආරම්භ වන්නේ මෙලෙසිනි.
ක්ලෙමන්ටයින් ගේ නපුරු වයලට් ආච්චි මම්මා බලාපොරොත්තු නොවු ලෙස එහි ආ විට, නිවසේ මහා අවුලක් ඇති වෙයි.
වයලට් ආච්චි මම්මා ට ඇත්තටම ඕනෑ වී ඇත්තේ මොනවාද? ඈ සිය අභිරහස් කළු බෑගය තුළ දමා ගෙන යන්නේ කුමක්ද?