අබුද්දස්ස වැලි මළුව සන්සුන් ය. බෝ සෙවනේ සිලි සිලියේ මිහිර කිසිඳු සංගීත භාණ්ඩයකින් උත්පාදනය කර ගත හැකි වේ යැ යි සිතිය නො හැකි ය සුවඳ දුම් ද දැවෙන තෙල් සුවඳ ද සිත සංසිඳුවාලන්නට වලිකයි. නිල් අහස සිසාරා පියාඹා යන ලොකු කුඩා කුරුල්ලන් කෙරෙන් දකින්නට ඇත්තේ නිදහසේ ආස්වාදය යි. ඔවුන් සිත් සේ තුරු හිස් මත් ලගී. දිය කඩිති දැක මියුරු සර නඟමින් ජල ක්‍රීඩාවේ යෙදේ. කිසිවක් පොදි බැඳ නො ගෙන ම නැවත අහස් කුසට ඉගිලෙයි.