අමාරිස් : අපේ මිනිස්සු ඉස්සා කන්නේ අඬු පිටින්, පොත්ත සුද්ද කරගන්න කම්මැලියි. මං දවසක් දැක්කා ‛සූකි නද්දෙක්’.

හාමු : මොකෙක්...?

අමාරිස් : හහ්! හා! හා! සූකි නද්දා කියන්නේ නාකි සුද්දා. මේං සයිස්! මගෙන් දුවගෙන දුවගෙන ඇවිල්ල ඇහුවා, "වෙයර් ඊස් ද බස් හෝල්ටීම් ප්ලේස්” කියලා. පස්සේ මං මිනිහව බස් හෝල්ටීම් ප්ලේස් එකට එක්කන් ගිහිල්ලා කිව්වා "දිස් ඊස් ද බස් හෝල්ට්” කියලා.

හාමු : ඇත්තට..! ඉතිං සුද්ද මොකද කිව්වේ.

අමාරිස් : "ටැංකිව්” කිව්ව.

හාමු : උන් එහෙමයි. මොකක් කළත් ටක් ගාලා ටැන්කිව් කියනවා.

අමාරිස් : බලන්ඩ මහත්තයෝ, බස් හෝල්ටින් ප්ලේස් එක පෙන්නලා ටැංකිව් කිව්වනං. වෙන මොනවා හරි පෙන්නුවා නම් මොනවා කියයිද?

හාමු :  අපෝ චික්! ඒවා පෙන්නුවා නම් උන් බණිනව. ඒවට කැමති නෑ.

අමාරිස් : මහත්තයා කියන්නේ මොනවාද? මං කිව්වේ වෙන වැදගත් ස්ථානයක්.