අපේ දේවල් ගැන කතා කරන එක කවදත් බොහොම වැදගත්. මේ කතාව කෑම බීම ඇසුරෙන් කරන විට ඒක අපේ දරුවන්ටත් කියාදීම අවැසි දෙයක්.

පලතුරු කියන්නෙ පිටරටින් ගෙනෙන ඒවා ම නොවන බවත්, අපේ වත්ත පිටිය තුළ තිබෙන අපේම දේවල් බොහෝ රසවත් මෙන්ම පෝෂ්‍යදායී බවත් දරුවන් දැනගත යුතුයි. සඳරුවන් මාමාගේ මේ වෑයම දූල පුතාලට ඒ දේවල් කියාදීමයි.

හැම දරුවෙක්ම කියවිය යුතු, නැවත-නැවතත් කියවිය යුතු පොතක් ලෙස ‛අඹ හාමිනෙයි-කොමඩු මැණිකෙයි’ හඳුන්වන්න පුළුවන්.

-සාහිත්‍යවේදී වෛද්‍ය සුදත් දම්සිහ මාමා ශ්‍රී ජයවර්ධනපුර මහ රෝහල.