දුම එන්නේ ඩැනියල්ගේ කාමරයෙන්. ඉහළ මාලයට පැමිණ වටපිට බැලු ඇයට වැටහිණ. ඔහුගේ කාමරයේ දොරෙන් පිටතට දුම් රොදවල් ඇදී එමින් තිබිණ. ඇයට සැර ගඳක් ද දැනිණ. ඩැනියල්ගේ කාමරයේ දොර විවර කළ ඇය පිටු පසට පැන්නාය. කාමරය තුළ ගින්දර නොවුණද දුමෙන් පිරී තිබිණ. පිරිමි ළමයා ඇඳ මත වැතිර සිටියේය. ඩැනියල් එළියට ගන්න ඕන. ඇය සිතුවාය. එහෙත් සැර දුම ඇගේ නාසයට මෙන්ම මුවටද ඇතුළු විය. ඇය ඩැනියල්ගේ නාන කාමරයට පැන ග්ත්තාය. ඉන්පසු තුවායක් ගෙන ජලයෙන් තෙමුවාය.