ඉතියෝපියාවේ පිටිසර ගමක ජීවත්වන එකොළොස් හැවිරිදි සොලමන් කෙදිනක හෝ ඔලිම්පික් පදක්කමක් දිනාගැනීමට සිහින මවන, දුවන්න උපන් හපන්කම් ඇති කුඩා කොලුවෙකි. තම සීයා සමඟ අඩිස් අබාබා වෙත යන ගමන ඔහුගේ ජීවිතයේ තීරණාත්මක සන්ධිස්ථානයක් වනු ඇති බව ඔහු සිහිනෙනුදු නොසිතයි.

නමුත් අගනුවරදී අනපේක්ෂිත ලෙස දරුණුව රෝගාතුර වන සීයා වෙනුවෙන් ඔහුට කළ හැකි එකම දෙය වනුයේ සැතපුම් විස්සක් පමණ එපිටින් පිහිටි තම නිවස කරා දිවගොස් දෙමවුපියන්ට එම පුවත සැල කර සිටීමය. දෙපයට පාවහන් යුගලක්වත් නොමැතිව හිතේ හයියෙන් පමණක් ඔහුට මෙය කළ හැකි වෙයිද?