ජුලියන් ගෝනියේ එක් තැනක් කැපුවේය. අනතුරුව වතුර නොරඳන සේ ඔතා ඇති කවරය ඉවත් කළේය. එවිට ඔවුන්ට කුඩා පෙට්ටි රැසක් දැක ගත හැකි විය. ඒ පෙට්ටි ආභරණ දමන පෙට්ටි බව ඔවුහු දැන සිටියහ. එහෙනම් මේවාගේ තියෙන්නේ ආභරණ.....එසේ පැවසු ඈන් පෙට්ටියක් විවර කළාය. එහි තිබුණේ අලංකාර මාලයකි. ඉටිපන්දම් එළියට එය දිලිසෙන්නට විය. පිරිමි ළමයි වදනක්වත් නොදොඩා ඒ දෙස බලා සිටියහ. මේක නම් ෆැලෝනියාවේ රැජින ගෙන් හොරකම් කරපු මාලේ වෙන්න ඕන. අන්තිමේදී ජෝර්ජ් කීවාය. මම දැක්කා ඒකේ පින්තූරයක් පත්තරේක තියෙනවා. දියමන්ති මාලයක්.