හස්ත රේඛා විද්‍යා සංග්‍රහය

අවිද්‍යාවෙන් පෙළෙන සත්වයා නිතරම කයෙන් වචනයෙන් සහ සිතින් පින් සේම පව් ද රැස් කරයි. වැඩි වැඩියෙන් රැස් කරන්නේ පව් කමය. මෝහයෙන් මුළා වූ පින්වතා තුළත් නිතරම හටගන්නේ පාපී චේතනාය. මේ නිසාම මැරෙණ මැරෙණ සත්වයා අපායේ වැටේ. සුගතියේ උපදින්නේ ඉතාම කලාතුරකිනි. දුගතියේ සත්වයා ඉතා දිගු කලකට පසු මනුලොව උපදී. එය පටිසන්ධි විපාක සිතේ පහළ වීමයි. කර්ම පථ බවට පත් නොවුණු අතීත ජාතිවල කළ කී දේ සේම සිතූ දේ කුසල, අකුසල (ප්‍රවෘත්ති) විපාක දෙන ආකාරය හා කාලය කල් තියා නිවැරදිව හඳුනා ගැනීමට අත්ලේ පිහිටා තිබෙන මණ්ඩල (පර්වත) රේඛා සහ වෙනත් සලකුණු මගින් පුළුවන්කම තිබේ.

උපන් දා පටන් මරණය දක්වා ශුභ මෙන්ම අශුභ කාල දක්නට ලැබේ. ලෞකික අරමුණු ඉටු කර ගැනීම උදෙසා ඉතා වේගවත් ධාවනයක යෙදෙන ආශාවෙන් මත් වූ මිනිසා හට මෙවැනි අශුභ කාල සීමා කල් තියා හඳුනා ගැනීමෙන් මුහුණ පාන්නට වෙන මහත් කරදර බාධක අවම කර ගෙන සැබෑ ධනාත්මක ගමනක යන්නට අවකාශ ලබා ගන්නට හස්ත රේඛා විද්‍යාව තුළින් හැකියාව ලැබේ.